اسلام آباد۔5ستمبر (اے پی پی) نبی آخر الزماں حضرت محمد مصطفیٰؐ دا 1500 واں یوم ولادت وفاقی دارالحکومت اسلام آباد سودھے پورے ملک اچ (کَل) ہفتہ کوں عقیدت تے احترام اتے مذہبی جوش و جذبے دے نال منایا ویسی، وفاقی دارالحکومت اسلام آباد اچ 50ویں بین الاقوامی سیرت کانفرنس تھیسی جئیں دا موضوع سوشل میڈیا دے مفید استعمال دی تعلیم و تربیت اچ ??یا??تی ذمہ داریاں، سیرت النبیؐ دی روشنی اچ رکھیا ڳئے، صوبائی دارالحکومتاں اچ وی سیرت کانفرنسز دا انعقاد کیتا ویسی، سیرت کانفرنسز دے انعقاد دا مقصد سیرت طیبہؐ دی عصری اہمیت کوں اجاگر کرݨ دے نال نال نویں نسل دی تربیت کرݨا اے، اڄوکے دور اچ جتھ نویں نسل کوں مختلف فکری، اخلاقی اتے سوشل میڈیا دے چیلنجاں دا سامݨا اے، اتھاں سیرت طیبہؐ دا مطال??ہ انہاں دی شخصیت سازی، کردار دی تعمیر، اتے سوشل میڈیا سودھے جدید زندگی دے ہر میدان اچ رہنمائی دا ذریعہ بݨ سڳدے۔ نبی کریمؐ دی تعلیمات اساں کوں برداشت، مساوات، عدل، امانت، حیا، دیانت، مشاورت، اتے خدمت خلق جیہیں اوصاف عطا کریندن جنہاں دی اج دے پاکستانی معاشرے اچ بہوں لوڑھ اے۔ سیرت النبیؐ دے ودھارے اچ وزارت مذہبی امور و بین المذاہب ہم آہنگی دا کردار اتے رہنمائی کلیدی حیثیت رکھیندن۔ واضح رہے جو وزارت مذہبی امور و بین المذاہب ہم آہنگی گزریے کئی سالاں توں ??یا??تی سطح تے سیرت طیبہؐ دے ودھارے کیتے ہمہ جہت اقدامات کریندی پئی اے جنہاں اچ قومی سیرت مقابلے، قومی و بین الاقوامی سیرت النبی کانفرنسز دا انعقاد، عشرہ رحمت اللعالمینؐ دے پروگرامز، سیرت لٹریچر دی اشاعت، سیرت سیمینارز وغیرہ شامل ہن۔ قومی تے ??رک??ی تقریباں دے سلسلے اچ اسلام آباد اچ وفاقی وزارت مذہبی امور و بین المذاہب ہم آہنگی ولوں مختلف نوعیت دیاں تقریباں ہوسن جنہاں اچ سرفہرست 12 ربیع الاول کوں جن??ح کنونشن سینٹر اچ تھیوݨ آلی 50ویں بین الاقوامی سیرت النبیؐ کانفرنس اے۔ ایں تاریخی کانفرنس اچ اسلامی دنیا توں معروف علمائے کرام، سکالرز، محققین، سفراء، ممبران پارلیمنٹ، سول سوسائٹی اتے نویں نسل دی شرکت متوقع اے۔ ایں سال کانفرنس دا موضوع سوشل میڈیا دے مفید استعمال دی تعلیم و تربیت اچ ??یا??تی ذمہ داریاں، سیرت النبیؐ دی روشنی اچ” رکھیا ڳئے۔ ایں دے علاوہ قومی مقابلہ کتاباں سیرت و نعت 2025ء دی تقریب ون٘ڈ انعام دا انعقاد وی تھیسی جئیں اچ خوش نصیب مصنفین، نعت آکھݨ آلے شاعراں، اتے مقالہ نگاراں کوں نقد انعام، اعزازی شیلڈز اتے اسناد نال نوازیا ویسی۔ نمایاں ترین انعام بین الاقوامی سیرت النبیؐ کانفرنس اچ ݙتے ویسن۔ ایں ضمن اچ صوبائی تے ضلعی سطح تے سیرت کانفرنسز، محافل نعت، سیمینارز، اتے بین المذاہب مکالمے ہوسن۔ 12 ربیع الاول کوں وفاقی دارالحکومت اچ 31 اتے صوبائی دارالحکومتاں اچ 21 توپاں دی سلامی ݙتی ویسی۔ وزارت مذہبی امور دا آکھݨ اے جو عشرہ رحمت اللعالمینؐ 2025ء نہ صرف نبی کریمؐ دی 1500 ویں ولادت با سعادت دا موقع اے بلکہ پاکستان دی ??یا??تی، علمی، تعلیمی، فکری اتے دینی یکجہتی دا مظہر وی اے۔ اے عشرہ اساں کوں آپݨی گالھ اتے عمل کوں تعلیمات نبویؐ دے تابع کرݨ، نویں نسل کوں ڈیجیٹل اخلاقیات دا شعور ݙیوݨ اتے بین الاقوامی سطح تے پاکستان دے مثبت اسلامی تشخص کوں اجاگر کرݨ دا بہترین موقع فراہم کریندے۔
.jpg)
