اسلام آباد۔9ستمبر(اے پی پی)صدر مملکت آصف علی زرداری چھل دیاں تباہ کاریاں دے بعد کساناں دے تحفظ اتے غذائی اجناس دی بغیر رکاوٹ دے دستیابی یقینی بݨاوݨ دی ہدایت کیتی اے۔ ایوان صدر دے پریس ونگ ولوں جاری بیان دے مطابق، صدر مملکت آصف علی زرداری نال وفاقی وزیر برائے قومی غذائی تحفظ و تحقیق رانا تنویر حسین ملین۔ صدر مملکت آصف علی زرداری آکھیا جو چھل دیاں تباہ کاریاں دے بعد کساناں دے تحفظ اتے غذائی اجناس دی بلا تعطل دستیابی یقینی بݨائی ونڄے، ملک اچ غذائی تحفظ کیتے ہنگامی اقدامات کیتے ونجن، جدید اتے موسمیاتی تبدیلی دے اثرات دا مقابلہ کرݨ آلے زرعی طریقیاں کوں ودھاریا ونڄے، وزارت قومی غذائی تحفظ و تحقیق کوں زرعی پیداوار اتے غذائی تحفظ کیتے مؤثر اقدامات جاری رکھݨے ہوسن۔ سابق وفاقی وزیر اتے سینیٹ اچ پیپلز پارٹی دی پارلیمانی لیڈر سینیٹر شیری رحمان وی ملاقات اچ شریک ہن۔
