راولپنڈی۔29دسمبر(اے پی پی)ضلع کرم دے علاقے اراولی اچ دہشت گرداں اتے پاک فوج وچال فائرنگ دے تبادلے اچ انتہائی مطلوب 2 دہشت گرد ماریے گئن اتے پاک فوج دے 3 جوان شہید تھین۔ آئی ایس پی آر ݙسائے جو ضلع کرم دے علاقے اراولی اچ دہشت گرداں اتے پاک فوج وچال شدید فائرنگ تھئی۔ فورسز بہادری اتے موثر انداز اچ دہشت گرددں دے ٹھکانیاں کوں نشانہ ٻݨائے جیندے اچ 2 دہشتگرد ماریے گئن اتے انہاں توں اسلحہ اتے گولہ بارود وی ملیے۔ جھڑپ اچ 43 سالہ صوبیدار شجاع محمد سکنہ خیرپور، 32 سالہ نائیک محمد رمضان سکنہ خضدار اتے 30 سالہ سپاہی عبدالرحمان سکنہ سکھر) شہید تھئے۔ دہشتگرداں توں علاقے کوں پاک کرݨ کیتے کلیئرنس آپریشن جاری اے۔
