اسلام آباد۔8جنوری (اے پی پی) وزیر اعظم محمد شہباز شریف اعلی سطحی وفد دے رلے جنیوا روانہ تھی ڳے۔ وزیر اعظم دے وفد اچ وزیر خارنہ بلاول بھٹو زرداری، وزیر خزانہ محمد اسحاق ڈار، وزیر برائے موسمیاتی تبدیلی شیری رحمان اتے وزیراطلاعات و نشریات مریم اورنگزیب شامل ہن۔وزیراعظم آفس میڈیا ونگ ولوں جاری اعلامیہ موجب وزیر اعظم 09 جنوری 2023 کوں اقوام متحدہ دے سیکرٹری جنرل انتونیو گوترس نال رل تے پاکستان دی تعمیرنو اتے بحالی اچ شراکت دے موضع تے بین الاقوامی کانفرنس دی میزبانی کرݨ اڄ جنیوا روانہ تھیسن۔ پاکستان کانفرنس اچ تعمیر نو اتے چھل متاثرہ علاقیاں دی بحالی دافریم ورک پیش کریی وزیراعظم اتے اقوام متحدہ دے سیکرٹری جنرل مشترکہ پریس سٹیک آئوٹ اچ وی شریک تھیسن۔ کانفرنس اچ سربراہان مملکت تے حکومت، وزرا اتے کئی ملکاں دے اعلیٰ سطحی نمائندے اتے بین الاقوامی مالیاتی ادارے، فاؤنڈیشنز اتے فنڈز دے نال نال بین الاقوامی ترقیاتی تنظیماں، نجی شعبے، سول سوسائٹی اتے آئی این جی اوز دے شریک تھیسن۔
