راولپنڈی۔12جنوری (اے پی پی) چیف آف آرمی سٹاف جنرل قمر جاوید باجوہ نال جی ایچ کیو اچ ٹیریسٹریل آرمی کانگو دے کمانڈر لیفٹیننٹ جنرل سکابوے اسیندا فال ملاقات کیتی۔ بدھ کوں آئی ایس پی آر دے مطابق ملاقات اچ آپسی دلچسپی دے معاملے ،علاقاعی سلامتی دی صورتحال اتے ݙوہیں ملکاں وچال دفاع، تربیت اتے سکیورٹی سودھے عسکری تعاون دے معاملیاں تے ڳالھ مہاڑ کیتی ڳئی۔ پاک فوج دے سربراہ جنرل قمر جاوید باجوہ آکھیا جو پاک فوج اقوام متحدہ (یو این) دے بینر تلے امن کیتے آپݨا کردار نبھاوݨ کیتے پرعزم اے اتے اساں ایں وݙے مقصد کیتے ٻہوں قربانیاں ݙتن۔ معزز مزمان پاکستان دی مسلح فوج دی پیشہ وارانہ مہارت اتے جمہوریہ کانگو اچ اقوام متحدہ دے امن مشن اچ پاکستان دے کردار دی تعریف کیتی۔
