اسلام آباد – 09 مئي (اي پي پي) صدر ممنون حسين عوام ۾ ٿيلسيميا کان بچاءُ جي لاءِ شعور بيدار ڪرڻ جي ضرورت تي زور ڏيندي چيو آهي ته تعليم جي کوٽ، غيرمحفوظ رت جي منتقلي ۽ صحت جي بنيادي اصولن کان اڻڄاڻائي سبب اها موذي بيماري پکڙجي ٿي، تعليمي ادارا، استاد ۽ عالم سڳورا ان مرض بابت عوام کي موثر طور تي آگاهه ڪرڻ ۾ پنهنجو اهم ڪردار ادا ڪري سگهن ٿا. هن اها ڳالهه پاڪستان بيت المال جي اهتمام هيٺ ٿيلسيميا جي عالمي ڏهاڙي جي موقعي تي آگاهي مهم کي خطاب ڪندي چئي.
