اسلام آباد۔1ستمبر(اے پی پی)صدر ڈاکٹر عارف علوی آکھیے جو پاکستان اچ ودھ بارشاں اتے چھل نال ٻہوں وݙا ضیان تھئے، بین الاقوامی اداریاں کوں بنیادی ڈھانچہ دی بحالی اتے مشکلات دا شکار ہزاراں لوکاں کوں ریلیف ݙیوݨ کیتے پاکستان دا ہتھ ونݙاوݨا چاہیدے، پاکستان اتے ترکیہ وچال تعلقات اتے باہمی سرمایہ کاری ٻئی تکڑی کرݨ لو نویں موقع ڳولݨے ہوسن، مسئلہ کشمیر اقوام متحدہ دی قرارداداں دے مطابق حل تھیوݨا چاہیدے، پاکستان سودھا امت مسلمہ بھارتی حکمران جماعت بی جے پی دی سوچ نال ہندوستانی مسلماناں تے حملیاں اتے وانڄھ کرݨ تے چنتا کریندے۔ اے ڳالھ انہاں ترکیہ دے سرکاری خبر رساں ادارے ’’اناطولیہ ‘‘ کوں ہک خصوصی انٹرویو اچ آکھی۔ انہاں آکھیا جو پاکستان ہر کہیں نال چنڳے تعلقات چاہندے، پورا ڄق معاشی بحران دا شکار اتے پاکستان کوں ایہو جھیں مسلے ہین، پاکستان کہیں پولرائزیشن اتے کہیں کیمپ دا حصہ نی ٻھل ہر کہیں نال برابری دی بنیاد تے تکڑے تعلقات چاہندے۔
