اسلام آباد۔14اگست(اے پی پی):اقوام متحدہ اچ پاکستان دے سفیر منیر اکرم ملک دے یوم آزادی تے اقوام متحدہ دی کمیونٹی دے ناویں ھک سنھیے اچ کشمیری عوام دی انہاں دے حق خودارادیت اتے آزادی دی جدوجہد تے روشنی پیندے ہوئیں آکھیے اساں اقوام متحدہ تے سارے فورمز تے کشمیر دی آزادی سانڳے آواز چیندے رہسوں ۔ انہاں آکھیے ساݙے لکھاں بھیݨ بھراویں صرف آپݨے وعدے موجب وطن تئیں پڄݨ ، قومیت اتے آزادی دے اپݨے خواب کوں پورا کرݨ کیتے آپݨیاں جاناں ݙتیاں اساکوں انہاں دی بہادری انہاں دے نظریات تے انہاں دیاں قربانیاں کوں کݙاہیں نی بھلݨا چاہیدا ۔پاکستانی سفیر مزید آکھیے اڄ جݙاں اساں آپݨی آزادی دا جشن منیندے پیوں تے اساں آپݨے کشمیری بھرا تے بھیݨاں دے حق خودارادیت اتے آزادی دی جدوجہد اچ انہاں دے رلے تکڑے تھی تے کھڑوں ۔
