لاہور ۔14جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیےجو ساریاں سیاسی قوتاں دے مفاد وچ ہے جو انتخابات 8 فروری کوں تھیون ، ایندے اچ ہی ملک دی بھلائی اے ، لیول پلینگ فیلڈ دی شکایت ہر ھک کوں اے ، دراصل لیول پلینگ فیلڈ پاکستان دی ورکنگ کلاس کنے کائنی ، سیاسی عدم استحکام تے ملک دی معاشی بقاء ساݙے اصل چیلنجز ہن، اساکوں معاشی صورتحال اچ بہتری دی لوڑھ اے ۔ اے ڳالھ انہاں اتوار کوں اتھاں الحمرا اچ منعقدہ افکار تازہ دے ستویں ایڈیشن تھنک فیسٹ 2024ءدے پروگرام “Facing the Popular Will: Election 2024” اچ اظہار خیال کریندے ہوئیں آکھی اے ۔ ایں موقع تے سابق سینیٹر افراسیاب خٹک اتے سینئر صحافی حامد میر وی موجود ہن۔ پروگرام دی میزبانی تجزیہ کار تمکنت کریم کریندیاں پیاں ہن ۔ ھک سوال دے جواب اچ وفاقی وزیر اطلاعات آکھیے پاکستان دے آئین دے دیباچے اچ لکھیے جو اے ملک ایندے منتخب نمائندے چلیسن ، اےملک آئین دی موجودگی اچ ہی چل سڳدے ۔ انہاں آکھیے ساریاں سیاسی قوتاں اتے متعلقہ فریقین دے مفاد اچ ہے جو انتخابات 8 فروری کوں تھیون، ایندے اچ ملک دی بھلائی اے ۔ انہاں آکھیے انتخابات خمیس 8 فروری 2024ءکوں تھیسن لیول پلینگ فیلڈ متعلق سوال دے جواب اچ وفاقی وزیر اطلاعات آکھیے لیول پلینگ فیلڈ دی شکایت ہر کوئی کریندا پئے ، پیپلز پارٹی اتے مسلم لیگ (ن) کوں وی لیول پلینگ فیلڈ دی شکایت اے جݙاں جو مولانا فضل الرحمان دا وی آکھݨ اے جو خیبرپختونخوا اتے بلوچستان اچ لیول پلینگ فیلڈ کائنی ۔
