اسلام آباد۔31اگست(اے پی پی) نگران وفاقی وزیر قومی صحت ڈاکٹر ندیم جان آکھیے تریمت پولیو ورکر دے تجربے کوں سمجھݨ تے انہاں نال رل تے چیلنجز دا حل کڈھݨ دے اقدام دا خیر مقدم کریندوں ،فرنٹ لائن ورکرز سارے پروگرام اچ ریڑھ دی ہݙی دی حیثیت رکھیندن ۔ اے ڳالھ انہاں ملینڈا فرنچ گیٹس دی تریمت پولیو ورکرز نال ورچوئل ملاقات اچ آکھی اے ۔ ورچوئل ملاقات اچ ڈاکٹرندیم جان آکھیے تریمت پولیو ورکرز دے تجربیں کوں سمجھݨ تے انہاں دے نال رل تے چیلنجز دا حل کڈھݨ دے اقدام دا خیر مقدم کریندوں ۔ پاکستان پولیو پروگرام دا فی میل فرنٹ لائن ورکرز کوں “ڈیزائن انیشی ایٹو” نامی اقدام گزریل سال شروع کیتا ڳیا ۔ انہاں آکھیے اقدام دا مقصد تریمت فرنٹ لائن ورکرز دے تجربیں توں فیدہ چاوݨا اے ۔
