اسلام آباد۔5ستمبر (اے پی پی) وفاقی وزیر برائے مواصلات عبدالعلیم خان آکھیا جو موٹرویز اتےہائی ویز دے سروس ایریاز اچ شئیں مہانگی تھیوݨ دا نوٹس ڳھدا ویسی۔ خمیس کوں قومی اسمبلی اچ موٹرویز اتے ہائی ویز دے سروس ایریاز اچ کھاوݨ پیوݨ دی شئیں مہانگے ہووݨ دے معاملے تے آسیہ ناز تنولی دے توجہ مبذول نوٹس تےوفاقی وزیرمواصلات عبدالعلیم خان ایوان کوں ݙسیا جو حقیقت اے جو انہاں ایریاز اچ نرخ ودھ ہن۔ پرائس چیکنگ دا اختیار ضلعی اتے صوبائی انتظامیہ دا اے۔ وزارت ضلعی اتے انتظامیہ دے تعاون نال چیکنگ وی کیتی اے۔ انہاں آکھیا جو یقینی ٻݨایا ویسی جو سروس ایریاز اچ نرخ اتے کھاوݨ پیوݨ دی شئیں دا معیار چنڳا ہووے۔ ایں بارے تشویش جائز اے اتے ایں تے ٻئے اقدامات کیتے ویسن۔
