اسلام آباد ۔ 14جولائی (اے پی پی)برطانوی تحقیق کاراں انکشاف کیتے جو مسلم لیگ ن دے صدر اتے سابق وزیر اعلیی پنجاب شہباز شریف اتے انہاں دے ٹبر زلزلہ متاثرین کیتے برطانوی امدادی ادارے ولوں ڈتی گئی 500ملین پاﺅنڈز امدادی رقم اچوں لکھاں پاﺅنڈزخرد برد کرتے منی لانڈرنگ دے ذریعے برطانیہ بھیجی،اے رقم برطانوی امدادی ادارے اے رقم انہاں کوں بطور وزیر اعلیٰ پنجاب ڈتی ہئی۔برطانوی اخبار ڈیلی میل دی تھقیقاتی رپورٹ اچ آکھیا گئے جو برطانیہ دے ادارہ برائے بین الاقوامی ترقی (ڈی ایف آئی ڈی) برطانیہ دے ٹیکس دہندگان دے پیسے اچوں شہباز شریف کوں بطور وزیر اعلیی پنجاب دی صوبائی حکومت کوں 50کروڑ پاﺅنڈز بطور امدادسیلاب متاثرین دی بحالی اتے بیاں امدادی سرگرمیاں کیتے ڈتی ہئی،بھل شہباز شریف ااتے انہاں دے اہلخانہ ایندے اچوں کجھ پیسے کرپشن کرتے منی لانڈرنگ کیتی اے،ایں بارے منی لانڈرنگ اچ ملوث کئی لوکاں دے انٹرویو کیتے گین جیندے اچ ہک برطانوی شہری آفتاب محمود سودھے کئی جیل اچ قید ہین۔رپورٹ موجب آفتاب محمود اعتراف کیتے جو اوں شہباز شریف اتے انہاں دے ٹبر کیتے منی لانڈرنگ کرتے اے پیسے برمنگھم منتقل کیتن جیہڑے بعد اچ شہباز شریف دے اہل خانہ کوں ملین۔ شہباز شریف دے جوانترے کوں زلزلہ متاثرین دی بحالی کیتے 10لکھ پاﺅنڈزڈتے گئے ہن اتے ڈی ایف آئی ڈی زلزلہ متاثرین دی امداد اتے بحالی کیتے مجموعی طورتے 5کروڑ 40 لکھ پاﺅنڈز ڈتے ہن۔اے وی آکھیا گئے جو پاکستان دے دیہی علاقیاں اچ غریب تریمتیں کوں غربت توں کڈھنڑ اتے غریب ٹبراں دے علاج معالجے کیتے ڈتی گئی امداد دے اخراجات تے وی تحقیقات تھیندی پئی اے۔برطانوی اخبار گذریل سال سابق وزیر اعظم نواز شریف دے خلاف وی انکشافات کیتے ہن جو انہاں لندن اچ 32 ملین پاﺅنڈ دی جائیدادبنڑائی اے۔
.jpg)
