اسلام آباد۔24مئی(اے پی پی):سینیٹ دی قائمہ کمیٹی امور خارجہ دا اجلاس خمیس کوں پارلیمنٹ ہاؤس اچ تھیسی ۔ سینیٹ سیکرٹریٹ موجب شنگھائی تعاون تنظیم (ایس سی او) دی وزرائے خارجہ کونسل دے بھارت اچ تھیوݨ آلے اڄوکے اجلاس اچ وزیرخارجہ بلاول بھٹو زرداری دی شرکت توں پاکستان کوں حاصل تھیوݨ آلے سفارتی، اقتصادی، امن و سلامتی اتے سٹریٹجک اہداف بارے بریفنگ ݙتی ویسی ۔ اجلاس دے شرکا کوں بھارت دے غیر قانونی زیر تسلط جموں و کشمیر اچ جی۔ 20 ملکاں دے اجلاس اتے متعلقہ ملکاں کوں اجلاس توں پہلے پاکستان دے موقف توں آگاہی بارے وی بریفنگ ݙتی ویسی ۔ اجلاس کوں ایں ڳالھ دا وی ݙسایا ویسی جو چین تے ٻئے ملکاں دا جی۔20 دا بائیکاٹ عالمی برادری بالخصوص جی ٹونٹی ملکاں کوں اے یاد کراوݨ دا بہترین موقع ثابت تھی سڳدے جو جموں و کشمیر اقوام متحدہ دی قرار داداں دے مطابق ھک منتازع علاقہ اے۔ اجلاس دی صدارت کمیٹی دے چیئرمین سینیٹر فاروق ایچ نائیک کریسن جݙاں جو اجلاس اچ کمیٹی دے ارکان تے متعلقہ حکام شرکت کریسن ۔
