اسلام آباد-09 آڪٽوبر (اي پي پي) پاڪستان ۾ چين جي سيڙپڪاري ۾ مسلسل اضافو ٿي رهيو آهي، جيڪو ٻنهي ملڪن وچ ۾ مضبوط اقتصادي سهڪار ۽ واپاري لاڳاپن جي عڪاسي آهي. سي پيڪ تحت مختلف منصوبن ۾ چين جي سيڙپڪاري پاڪستان جي بنيادي ڍانچي، توانائي ۽ صنتعن ۾ نمايان ترقي ڪئي آهي. پلاننگ ڪميشن جي اختيارين مطابق چين جي سيڙپڪاري نه صرف وڏن ترقياتي منصوبن ۾ ٿي رهي آهي پر صنعتي زونز، ٽرانسپورٽ ۽ ٽيڪنالاجي جي شعبن ۾ به چين جي دلچسپي وڌي رهي آهي. سيڙپڪاري پاڪستان جي معيشت کي هٿي ڏيڻ سان گڏوگڏ روزگار جا موقعا پيدا ڪرڻ ۾ به اهم ڪردار ادا ڪري رهي آهي. سي پيڪ کانسوءِ چين سان واپار ۽ مختلف صنعتن ۾ سهڪار جي وسعت سان مستقبل ۾ وڌيڪ ترقي جي توقع آهي. چين جي سيڙپڪاري سان پاڪستان ۾ زروگار جي موقعن ۾ نمايان اضافو ٿي رهيو آهي ۽ ملڪي معيشت ۾ بهتري ڏسڻ ۾ اچي رهي آهي.
