اسلام آباد – 23 – آڪٽوبر (اي پي پي) صدر آصف علي زرداري سپريم ڪورٽ جي جج جسٽس يحييٰ آفريدي جي سپريم ڪورٽ آف پاڪستان جي چيف جسٽس طور مقرري جي منظوري ڏئي ڇڏي آهي. ايوان صدر جي پريس ونگ پاران جاري بيان موجب صدر آصف علي زرداري جسٽس يحييٰ آفريدي جي مقرري جي منظوري 26 آڪٽوبر کان 3 سالن جي لاءِ ڏني آهي. صدر مقرري جي منظوري آئين جي آرٽيڪل 175 اي (3)، 177 ۽ 179 تحت ڏني. هن جسٽس يحييٰ آفريدي کان 26 آڪٽوبر تي چيف جسٽس جي عهدي جو حلف وٺڻ جي پڻ منظوري ڏني آهي.
