ٽوڪيو – 19 فيبروري (اي پي پي) جاپان يوڪرين کي انفرااسٽرڪچر جي نئي سر تعمير سميت 7 مختلف شعبن ۾ سهڪار لاءِ 106 ملين ڊالر امداد فراهم ڪندو. ٽي آر ٽي مطابق يوڪرين جي نئي سر تعمير لاءِ جاپان جي گادي واري شهر ٽوڪيو ۾ متوقع جاپان-يوڪرين ڪانفرنس ۾ گڏيل سهڪار تي ٻڌل 10 کان وڌيڪ معاهدن تي صحيون ڪيون وينديون. ڪانفرنس ۾ جاپان جي وزيراعظم فوميوڪيشيڊا ۽ يوڪرين جي وزيراعظم ڊينس شميگل سميت ٻنهي ملڪن بيوروڪريسي ۽ واپاري دنيا جون 300 کان وڌيڪ شخصيتون شرڪت ڪنديون. جاپان حڪومت يوڪرين جي انفرااسٽرڪچر جي نئي سر تعمير ۽ بارودي سرنگن کي هٽائڻ سميت 7 مختلف شعبن ۾ 106 ملين ڊالر جي مالي امداد فراهم ڪندي.
