اسلام آباد۔14جولائی(اے پی پی)وفاقی وزیر اطلاعات و نشریات چوہدری فواد حسین آکھیے جو ڄق اچ ہک نویں سوچ ودھدی پئی اے جو مسلیاں دا حل جنڳاں نال نئیں صرف امن اتے مذاکرات نال ہی نکل سڳدے، چیلنجز دا مقابلہ کرݨ اوکھا ضرور اے بھل ناممکن نئیں، وار فئیر کیتے آپݨیاں صلاحیتاں ودھاوݨیاں ہوسن۔ اے ڳالھ انہاں انسٹیٹیوٹ آف اسٹریٹجک سٹڈیز، سینٹر فار لاءاینڈ سیکورٹی ولوں لا فیئر اینڈ پاکستان دے سیمینار نال خطاب اچ آکھی۔ انہاں آکھیا جو عالمی جنگاں دی تباہ کاریاں دے بعد ڄڳ اچ اے احساس ودھدا پئے جو مسائل جھیڑے دی بجائے عالمی قانون دے تحت حل تھیوݨے چاہیدن، ایندے کتیے لافیئر دا تصور سامݨے آئے، نائن الیون دے بعد لافیئر دا جدید استعمال ودھیے، ایویں ہی پاکستان دے خلاف فیٹف دی شکل اچ وی ایں لافیئر کوں استعمال کیتا ڳئے۔ انہاں آکھیے جو پاکستان اچ قانون سانڳے وݙی مضبوط بنیاد اے اتے عالمی قوانین تے کم کرݨ آلے مہاندرے قانون دان موجود ہین، ایندے کیتے ڄق دی پیش رفت دے مطابق پاکستان دا نظام اپ ڈیٹ کرݨ دی لوڑھ اے۔
