اسلام آباد۔28جون(اے پی پی)وفاقی وزیرخزانہ و محصولات مفتاح اسماعیل آکھیے جو پاکستان دی معیشت اتے سلامتی کوں اپݨی سیاست تے اڳونہی ݙیسوں اتے پاکستان کوں اڳو ڳھن تے ٹرسوں، ٹیکس وصولیاں دے بغیر خودداری دا خواب اوکھ اے، حکومتی اقدامات نال پاکستان ݙیوالہ تھیوݨ دے خطرے توں نکل ڳئے، ہݨ ݙیوالہ تھیوݨ دا کوئی چانس کائنی۔ اسلام آباد اچ ٹرن ارائونڈ کانفرنس نال خطاب کریندے انہاں آکھیا جو گو حالات اڄ اوکھے ہیں بھل ساکوں درست سمت دو ونڄݨا ہوسی، جیکر اساں مالیاتی نظم و ضبط برقرار رکھیا تاں اساں اوکھ توں تیکھے نکل ویسوں۔ انہاں آکھیا جو کوئی وی ملک 5، 5 ہزارارب دا خسارہ نئیں سہہ سڳدا، ایں سال جی ڈی پی دے تناسب نال ٹیکس وصولیاں دا تناسب 8.7 فیصد اے اتے پاکستان ڄڳ اچ جی ڈی پی دے تناسب نال ٹیکساں دی ڳھٹ ترین شرح آلے ملکاں اچ ہک اے، جیکر ٹیکس نا ڳھنو اتے صرف قرض تے گذارا کروں تاں ول خودانحصاری دی ڳالھ نہیں کرݨی چاہیدی، پچھلی حکومت دے غلط فیصلیاں پاروں ملک ݙیوالہ تھیوݨ آلا ہا تہوں ساکوں پٹرولیم مصنوعات دا ملھ ودھاوݨ دا اوکھا فیصلہ کرݨا پئے بھل لوکا ساݙے نال تھین اتے اڄ اساں ݙیوالہ تھیوݨ دے خطرے توں بچ ڳئے ہیں۔
.jpg)
.jpg)