اسلام آباد۔7جولائی(اے پی پی)صدر مملکت ڈاکٹر عارف علوی ملک اچ صحافیاں اتے میڈیا پرسنز تے تشدد اتے ہراساں کرݨ دے ودھدے رحجان تے چنتا کریندے اینڄھے واقعات دا نوٹس ڳھدے اتے حکومت کوں اقدامات سانڳے وزیراعظم کوں خط وی لکھیے۔ خط اچ صدر مملکت چنتا کریندے آکھیے جو اینڄھے واقعات نال جمہوریت دے مستقبل اتے آزادی ِاظہار ِرائے تے دھک پوندی اے، آئین دا آرٹیکل 19 و اقوام متحدہ دے انسانی حقوق دے چارٹر دا آرٹیکل 19 آزادی اظہار رائے دی ضمانت ݙیندے، پاکستان اچ خوف کھنݙاوݨ دے علاوہ اینڄھے واقعات بین الاقوامی توجہ ہیتھ آندن اتے ملک دا منفی تاثر ابھردے، ایں سانڳے پاکستان فریڈم آف پریس انڈیکس 2022 اچ پاکستان دی 157 ویں پوزیشن وݙی چنتے آلی اے، حکومت کوں ایندے تے واضح پالیسی اپنا تے اینڄھےو اقعات روکݨے ہوسن۔
.jpg)
.jpg)