اسلام آباد۔19جولائی(اے پی پی):وزیر اعظم محمد شہبازشریف آکھیے حکومت یقینی بݨیسی جو نگران حکومت قومی مفاد دیاں پالیسیاں دا تسلسل قائم رکھے،پوری کوشش اے قومی ترقی دا سلسلہ جاری رہے۔ اے ڳالھ انہاں اسلام آباد اچ آپݨی صدارت اچ سٹیٹ اونڈانٹر پرائزز اچ جاری اصلاحات بارے پیش رفت دے جائزہ اجلاس اچ آکھی اے ۔ اجلاس اچ وزیرِ اعظم کوں اداریں بشمول کارپوریشنز دی کارکردگی دے اعشاریے پیش کرݨ دے نال نال جاری اصلاحات تے پیش رفت بارے وی ݙسایا ڳئے ۔ وزیراعظم آکھیے حکومت بین الاقوامی معیار دے عین مطابق اداریں دی بہتری اتے عوام کوں بہترین سہولتاں ݙیوݨ یقینی بݨاوݨ کیتے اقدامات کریندی پئی اے ۔وزیر اعظم کوں ݙسایا ڳئے جو سٹیٹ اونڈانٹرپرائزز اچ اصلاحات دا عمل تکھے جاری اے ، جدید نظام اتے بہترین سہولتاں ݙیوݨ کیتے انہاں اداریں دے بورڈز اچ ماہرین دی شمولیت یقینی بݨائی ویسی ۔وزیر اعظم آکھیے خدمات دی آؤٹ سورسنگ اتے پبلک پرائیوٹ پارٹنرشپ اچ شفافیت دے عنصر کوں مرکزی اہمیت ݙتی ونڄے،انہاں ہدایت کیتی جو قومی خزانے کوں گھاٹے توں ضیان پڄاوݨ آلے اداریں دی اصلاحات دا ترجیحی بنیاداں تے نفاذ یقینی بݨایا ونڄے ۔اجلاس اچ وفاقی وزرا اسحاق ڈار، خواجہ محمد آصف، سید نوید قمر، مخدوم مرتضی محمود، انجینئر خرم دستگیر، خواجہ سعد رفیق، اعظم نذیر تارڑ، مشیر وزیرِ اعظم احد خان چیمہ، معاونین خصوصی جہانزیب خان، طارق باجوہ اتے متعلقہ اعلیٰ حکام شرکت کیتی۔
.jpg)
.jpg)