اسلام آباد۔15جون(اے پی پی):وزیر اعظم محمد شہباز شریف عید الاضحیٰ دے پرمسرت موقع تے قطر دے امیر شیخ تمیم بن حمد الثانی نال ٹیلی فونک رابطہ کرتے انہاں کوں عید دی مبارخ ݙتی ۔ وزیراعظم آفس دے پریس ونگ توں جاری بیان موجب وزیراعظم پاکستان دی حکومت اتے عوام دی طرفوں امیر، حکومت قطر اتے قطر دے بھرا عوام کوں دلوں عید الاضحیٰ دی مبارخ ݙتی تے نیک خواہشات دا اظہار کیتے۔ ݙوہیں رہنماواں عید الاضحیٰ دے تہوار جیڑھا جو قربانی، ہمدردی اتے اتحاد دی علامت اے دی اہمیت تے ڳالھ مہاڑ کیتی ۔ ݙوہیں رہنماواں فلسطین دے بہادر تے مظلوم عوام دی حالت زار تے وی ڳالھ مہاڑ کیتی تے عالمی برادری تے زور ݙتے جو او فلسطین دے حوالے نال امن دی بحالی دیاں کوششاں ودھاوے تے خطے اچ تشدد اتے خونریزی دا وختی خاتمہ یقینی بݨاون۔ وزیراعظم اتےامیر قطر پاکستان اتے قطر وچال یاری تے بھرپی دے رشتے کوں تکڑا بݨاوݨ دا اعادہ کیتے۔ پاکستان اتے قطر وچال تعلقات مشترکہ اقدار اتے سانجھے احترام تے ہن ۔ وزیراعظم تجارت، سرمایہ کاری اتے محنت دے شعبیں اچ پاکستان سانڳے قطر دی حمایت اتے تعاون دی تعریف کیتی ۔ وزیراعظم پاکستان دے سرکاری دورے دی دعوت قبول کرݨ تے امیر قطر دا شکریہ ادا کیتا تے آکھیے جو انہاں دے دورہ پاکستان دی تاریخ وختی طے کیتی ویسی۔
.jpg)
.jpg)