اسلام آباد۔9دسمبر(اے پی پی) وفاقی وزیرتعلیم و پیشہ ورانہ تربیت رانا تنویرحسین آکھیے جو نکے ٻالاں دے نصاب اچ جانوراں دے حقوق دے ماڈیول تے سپلیمنٹری ریڈنگ میٹریل توں ٻالاں کوں جانوراں دے احترام دا رویہ اپناوݨ اچ مدد ملسی، اتنی چھوٹی عمر اچ جانوراں دے حقوق بارے آگاہی ساݙے معاشرے اچ جانوراں دے حقوق کوں ودھارا ݙیسی ۔ اے ڳالھ انہاں جمعہ کوں نکے ٻالاں دے نصاب اچ جانوراں دے حقوق دے ماڈیول تے سپلیمنٹری ریڈنگ میٹریل دے ودھارے دی تقریب توں خطاب کریندے ہوئیں آکھی اے ۔ انہاں آکھیے ایں اقدام دا مقصد ساݙے معاشرے اچ اعتدال کوں ودھارا ݙیوݨ اے ، اے اسلام دی تعلیمات دے عین مطابق اے۔ وفاقی وزیر آکھیے کتاب اچ جانوراں دے حقوق دے بنیادی تصورات، بدسلوکی اتے نظرانداز دیاں مختلف شکلاں، جانوراں دی ݙیکھ بھال دے اسلامی اصول اتے جانوراں دے حقوق دے قانونی پہلواں دا احاطہ کیتا ڳئے جیں اچ جانوراں دے تحفظ کوں یقینی بݨاوݨ دی حکمت عملی وی شامل اے ۔
