اسلام آباد۔17جنوری(اے پی پی) وزیر مملکت پٹرولیم مصدق ملک آکھیے ملک اچ گیس دے نویں کنکشنز تے پابندی اے، گیس دی قیمت کائنی ودھائی ویندی پئی ، مہانگی ایل این جی ملک گھن تے سستی نی ویچ سڳدے ۔ سینیٹ اجلاس اچ سینیٹر اعجاز چوہدری، سینیٹر بہرہ مند تے سینیٹر فدا محمد دے سوالاں دے جواب اچ مصدق ملک آکھیے عمران خان اوگرا دا قانون بدل تے گیس کنکشنز دی فراہمی تے پابندی لاتی ہئی، گھریلو صارفین، صنعتاں تے بجلی دی پیداوار کیتے گیس ݙتی ویندی اے ، گھریلو صارفین دی طلب زیادہ اے، ہر سال 8 توں 10 فیصد گیس گھٹ پیدا تھیندی اے ، نویں گیس کنکشنز تے پابندی مزید کجھ عرصہ برقرار رہݨی چاہیدی اے، اے ملکی مفاد وچ اے ، اساکوں ذمہ وار شہری ہووݨ دا مظاہرہ کرݨا چاہیدے ، زیادہ مہانگ پاروں گیس دی قیمت نی ودھاوئی ڳئی ، ملک اچ گھٹ قیمت تے گیس ݙتی ویندی پئی اے ۔
