آستانہ۔4جولائی (اے پی پی)وزیراعظم محمد شہباز شریف سودھا شنگھائی تعاون تنظیم دے رکن ملک دے اڳواݨاں تنظیم دا سربراہی اجلاس مکݨ تے اعلامیے” آؤٹ کم ڈاکومنٹ” تے دستخط کرݙتن۔ وزیراعظم آفس دے میڈیاونگ توں جاری بیان موجب شنگھائی تعاون تنظیم سربراہی اجلاس اچ وزیراعظم عالمی رہنماواں نال ملاقاتاں کیتن۔ وزیراعظم اقوام متحدہ دے سیکرٹری جنرل انتونیو گوتریس نال ملین اتے ترکیہ دے صدر رجب طیب اردوان ، آذر بائیجان دے صدر الہام علیوف ، تاجکستان دے صدر امام علی رحمان ، کرغزستان دے صدر سدیر جاپروف اتے بیلاروس دے صدر الیگزینڈر لوکا شنکو نال ݙو پاسے تعلقات اتے سانجھی دلچسپی دے معاملیاں تے ڳالھ مہاڑ کیتی ۔
