اسلام آباد۔29دسمبر (اے پی پی):وفاقی وزیر اطلاعات و نشریات چوہدری فواد حسین ٻدھ کوں سرمایہ کاری بورڈ دا دورہ کیتے۔ سرمایہ کاری بورڈ آمد تے وزیر مملکت و چیئرمین سرمایہ کاری بورڈ محمد اظفر احسن اتے سیکریٹری سرمایہ کاری بورڈ فارینہ مظہر وفاقی وزیر اطلاعات دا استقبال کیتا۔ وفاقی وزیر اطلاعات کوں سرمایہ کاری بورڈ دی کارکردگی تے تفصیلی بریفنگ ݙتی ڳئی اتے سرمایہ کاری بورڈ ولوں متعارف کرائی ڳئی اصلاحات بارے ݙسیا ڳئے۔ ایں موقع تے سرمایہ کاری بورڈ دی طرفوں چھوٹے اتے درمیانے درجے دے کاروباراں کوں مزید سہولت ݙیوݨ تے وی ڳال مہاڑ تھئی ۔ وفاقی وزیر اطلاعات سرمایہ کاری بورڈ دی کارکردگی دی تعریف کریندے ہوئیں آکھیے جو وزارت اطلاعات و نشریات سرمایہ کاری بورڈ دے نال بھرپور تعاون کریسی۔
