اسلام آباد۔27مارچ (اے پی پی):وفاقی وزیرمنصوبہ بندی، ترقی وخصوصی اقدامات اسدعمر اتے وزیرداخلہ شیخ رشید احمد آکھیے جو م??ک اچ فیصلے حرام دے پیسے بݨاوݨ آلے نی بلکہ عوام کریسن ، عمران خان نہ صرف پاکستان بلکہ امت دا لیڈراے۔ اے جنگ عمران خان پاکستان کیتے نی امت مسلمہ کیتے جتسن ، عوام دی خواہش اے جو نوازشریف، شہباز شریف اتے آصف زرداری جیل دیاں سلاخاں دے پچھوں ہوسن اتوار کوں اتھاں پریڈگراونڈاچ امربالمعروف جلسہ عا?? توں خطاب کریندے ہوئیں وفاقی وزیراسدعمر آکھیے جو انسان دی سنڄاݨ ایندے توں تھیندی جو انہاں دی مخالفت کون کریندا پئے، ، ایں ویلھے عمران خان دے خلاف او لوک کھڑم جیڑھے سیاست اچ حرام داپیسہ استعمال کریندے پئن ، انہاں اچوں ھک دیاں کانپیں ٹانگدیاں پئن ۔ ݙوجھا فضل الرحمان اے جیڑھا جو آپݨے آپ کوں مولانا آکھدے مگرآکھدے جو جوبائیڈن دنیا دالیڈراے، اوفضل الرحمان دالیڈرتھی سڳدے مگراساݙا کائناں ۔وزیراعظم دے خلاف تریجھا او کھڑے جیڑھا ٻوٹ پالش کریندے ،ہݨ ٻوٹ ختم تھی ڳئن تاں ولایتی ٻوٹ پالش کریندا پئے ۔
وفاقی وزیرداخلہ شیخ رشید احمد جلسہ عا?? توں خطاب کریندے ہوئیں آکھیے جو ھک محبت اقتدارہوندی اے تے ھ?? محبت عوام دی ہوندی اے ۔ عوام وزیراعظم نال محبت کریندن ۔انہاں آکھیے جو چور تے ڈاکوکھٹے تھی ڳئن گینگ آف تھری قزافی ??صدام حسین اتے اسامہ دامال نی چھوڑیا، نوازشریف سازش کرتے لندن ڳے، اڄ انہاں دے جلسے دی حالت ݙیکھو انہاں دے نال کیا تھیندا پئے ۔ انہاں آکھیے قوم مہنگائی، بے روزگاری، ،بجلی اتے گیس دی مہنگائی کوں برداشت کیتے لیکن انہاں دی خواہش اے جو نوازشریف، شہباز شریف اتے آصف زرداری جیل دیاں سلاخاں دے پچھوں ہوون ۔ عمران اسماعیل آپݨے خطاب اچ آکھیے جو ݙو چوہے لندن اچ لکیے بیٹھن تے ترائے پاکستان اچ ہن ۔
