قاہرہ۔19دسمبر (اے پی پی)وزیر اعظم محمد شہباز شریف ترک صدر رجب طیب اردوان نال ڈی ایٹ سربراہی اجلاس ویلھے مصر دے دارالحکومت قاہرہ اچ ملاقات کیتی اے۔ وزیراعظم شہبازشریف صدر اردوان دی قیادت اچ ترکیہ دی مثالی ترقی دی تعریف کریندے آکھیے جو ݙوہاں ملکاں کوں سرمایہ کاری اتے مشترکہ منصوبیاں بالخصوص آئی ٹی، زراعت و گرین ٹیکنالوجی دے نویں شعبیاں اچ اقتصادی تعاون ودھاوݨا چاہیدے ݙوطرفہ تعلقات ٻئے تکڑے کرݨ تے الائے اتے ترکیہ و پاکستان وچال 5 بلین امریکی ڈالر دے ݙو طرفہ تجارتی ہدف سانڳے اقتصادی تعلقات تے زور ݙتے اتے ݙوطرفہ اقتصادی، تجارتی و دفاعی تعاون سانڳے رل تے کم جاری رکھݨ تے اتفاق کیتے۔
انہاں قومی مفاد دے بنیادی مسائل تے ہک ٻئے دی حمایت دا عزم دوہرائے۔ معصوم فلس??ین??وں دے خلاف اسرائیلی نسل کشی دے اقدامات دی مذمت کریندے انہاں فلس??ین?? عوام کیتے اپݨی غیر متزلزل حمایت دا اعادہ کیتے۔ انہاں مشرق وسطیٰ اتے شام دی تازہ ترین صورتحال تے وی الایا۔ ترکیہ دے صدر ݙوہاں ملکاں وچال م??تل?? شعبیاں اچ تعاون تے اطمینان کریندے علاقائی امن و استحکام سانڳے رل تے کم کرݨ تے زور ݙتے۔ صدر اردوان فلسطین و لبنان کیتے ودھ خواہ انسانی امداد بھیڄݨ تے پاکستان دی تعریف کیتی۔ وزیر اعظم شہباز شریف صدر اردوان کوں اسلام آباد اچ اعلیٰ س??ح سٹریٹجک تعاون کونسل دے ستویں اجلاس دی شریک صدارت کیتے تیکھے پاکستان دے دورے دی دعوت ݙتی۔ نائب وزیراعظم و وزیر خارجہ محمد ا??حاق ڈار اتے وفاقی وزیر اطلاعات و نشریات عطاء اللہ تارڑ وی ملاقات اچ موجود ہن۔
