لاہور۔29جنوری(اے پی پی)وزیراعلیٰ پنجاب سردار عثمان بزدار نال خواتین ارکان پنجاب اسمبلی مومنہ وحید، آسیہ امجد، عائشہ نواز اتے شاہینہ کریم کھوسہ ملاقات کیتی۔ ملاقات اچ فلاح عامہ دے منصوبیاں ، خواتین اراکین اسمبلی کوں مزید با اختیار بݨاوݨ اتے مسائل دے حل کیتے ڳالھ تھئی ۔ وزیراعلیٰ عثمان بزدار آکھیا جو خواتین ارکان صوبائی اسمبلی کوں انہاں دا جائز حق ݙیسوں، عوام دے مسائل دے حل کیتے خواتین ارکان اسمبلی دے کردار کو ں نظر انداز نئیں کیتا ونڄ سڳدا،عوام دے حالات وٹاوݨ کیتے ݙینھ رات محنت کر یندے پئے ہیں، تریمتیں کوں بااختیار بݨاوݨ تحریک انصاف دی حکومت دا مشن اے، صنفی امتیازمکاوݨ، تریمتیں دے حقوق دے تحفظ اتے سماجی و معاشی خودمختاری کیتے تریخ ساز اقدامات کیتن ۔
