لاہور۔1جون(اے پی پی):وفاقی وزیر قانون و انصاف سینیٹر اعظم نذیر تارڑ آکھیے جو پاکستان اچ اقلیتاں کوں مکمل مذہبی آزادی حاصل اے، اسلام اساکوں اقلیتاں دے حقوق دا درس ݙیندے ،خواہش اے اعلیٰ عدلیہ اچ مینارٹیز توں وی جج آون۔اے ڳالھ انہاں مقامی ہوٹل اچ جسٹس اے آر کارنیلئس کانفرنس توں خطاب اچ آکھی اے ۔ کانفرنس دا اہتمام برائٹ فیوچر سوسائٹی تے امپلی مینٹیشن مینارٹی رائٹس فورم پاکستان کیتا ہئی۔ کانفرنس اچ سپریم کورٹ دے سینئر پیونی جج سید منصورعلی شاہ،جسٹس فیڈرل شریعت کورٹ آف پاکستان جسٹس ڈاکٹر سید محمد انور، لاہور ہائی کورٹ دے جسٹس علی باقر نجفی، جسٹس( ر) تصدق حسین جیلانی،صدر لاہور ہائی کورٹ بارمنیرحسین بھٹی، چوہدری عمران مسعود، ڈاکٹر شعیب سڈل،سموئیل پیارا سودھے وکلا ، بیوروکریٹس اتے مینارٹی کمیونٹی دی وݙی تعداد موجود ہئی۔ وفاقی وزیر قانون و انصاف سینیٹر اعظم نذیر تارڑ آکھیے پاکستان مذہبی رواداری دے حوالے نال ایجھا کائناں ہئی جیڑھا افغان جنگ دے بعد اساکوں ملیے ،جیڑھی تکلیف آلی ڳالھ اے۔ انہاں قرآن اتے احادیث دے حوالے ݙیندے ہوئیں آکھیے ساݙا مذہب اقلیتاں دے حقوق دا مکمل درس ݙیندے ،قائد اعظم محمد علی جناح دا وژن وی اے ہئی جو پاکستان اچ بھرپی دا معاشرہ پروان چڑھے جتھاں سارے فرقیں نال تعلق رکھݨ آلے لوک ھک پرچم تلے ھک مٹھ تھی تے ملک دی ترقی تے خوشحالی سانڳے آپݨا کردار نبھاون ۔
.jpg)
