اسلام آباد۔12جون(اے پی پی)وفاقی وزیر برائے قانون و انصاف سینیٹر اعظم نذیر تارڑ آکھیے جو حکومت ملکی مفاد سانڳے معشیت تکڑی کرݨ کتیے ݙینھ رات کم کیتے، زرعی شعبے کیتے انقلابی پیکج ݙتے، بیج، زرعی آلات، آئی ٹی اتے نوجواناں کیتے مراعات ݙتین، معیشت دی بہتری دا پندھ جاری رہسی، سیاست اچ لاقانونیت اتے بے لچک رویے نئیں ہوندے، فیصلہ سازی مذاکرات اتے حالات دے مطابق کریندی اے۔ سینیٹ اجلاس اچ الیندے سینیٹر اعظم نذیر تارڑ آکھیا جو اپوزیشن دی مثبت تجاویز دا خیر مقدم کریندے ہیں، جمہوریت اچ دروازے ہک ٻئے کیتے کھلے رکھیے ویندن، اساں اوکھی معاشی صورتحال دے باوجود متوازن بجٹ پیش کیتے، بجت اچ بہتری کیتے اراکین سینیٹ دی تجاویز دا خیر مقدم کریسوں، معیشت دی بہتری دا سفر جاری رہسی۔
