اسلام آباد۔12اکتوبر(اے پی پی)صدر مملکت ڈاکٹر عارف علوی شہدا کوں وطن دی خاطرشہید تھیوݨ تے خراجِ عقیدت پیش کیتے۔ ایوانِ صدر دے پریس ونگ توں خمیس کوں جاری بیان موجب صدر مملکت کُرم اتے ژوب اچ شہید تھیوݨ آلے پاک فوج دے نینگراں دے لواحقین نال ٹیلیفون تے تعزیت کیتی اے ۔ صدر مملکت 29 ستمبر کوں شکار تنگی پوسٹ کرم تے حملے اچ شہید تھیوݨ آلے لانس نائیک غیرت خان دے وارثاں نال ڳالھ مہاڑ کیتی ۔ صدرڈاکٹر عارف علوی 28 ستمبر کوں ژوب بلوچستان اچ دہشت گرد حملے اچ شہید تھیوݨ آلے سپاہی ندیم خان دےلواحقین نال وی اظہارِ تعزیت کیتے۔ صدر مملکت شہدا کوں وطن دی خاطر شہید تھیوݨ تے خراجِ عقیدت پیش کیتے۔ صدرشہدا کوں سلام پیش کیتے تے انہاں دے اچے درجات کیتے دعا منگی ۔ صدر مملکت شہدا دے خانداناں نال اظہارِ ہمدردی کیتے اتے صبر دی دعا کیتی۔
