اسلام آباد – 10 سيپٽمبر (اي پي پي) وزيراعظم عمران خان چيو آهي ته پنجاب، خيبرپختونخوا ۽ وفاق ۾ موجود سرڪاري زمين ۽ ان تي قائم آرام گاهن (ريسٽ هائوسز) بابت دستياب 90 سيڪڙو انگن اکرن موجب صرف شهري زمين ۽ ان تي قائم عمارتن جي قيمت 300 ارب روپين کان وڌيڪ آهي، پنهنجي ايندڙ نسلن تي قرضن جو بار وجهندي 5 ارب روپيا روزاني وياج ادا ڪندڙ ملڪ غير استعمال ٿيل سرمائي جي وڏي ڍير تي ويٺل آهي. سوشل ميڊيا تي جاري پنهنجي ٽوئيٽ ۾ وزيراعظم چيو ته پنجاب، خيبرپختونخوا ۽ وفاق ۾ موجود سرڪاري زمين ۽ ان تي قائم آرام گاهن (ريسٽ هائوسز) بابت 90 سيڪڙو انگ اکر منهنجي سامهون آهن.
