اسلام آباد۔14 مئی(اے پی پی)وفاقی وزیر اطلاعات و نشریات مریم اورنگزیب آکھیے جو عمران خان ملک اچ فساد چاہندن، اے سمڄھدن جو ڳالھیں مندے اتے دھمکی نال اپݨی مرضی دے فیصلے کروا ڳھنسوں، اے نئیں تھی سڳدا جو عوام انہاں کولو کارکردگی نہ پچھن، سازش دا بیانیہ اپنا تے اپݨی لٹ مار، کارکردگی توں لوکاں دی توجہ نئیں ہٹائی ونڄ سڳدی۔ اسلام آباد اچ پریس کانفرنس کریندے انہاں آکھیا جو عمران خان پاکستان دی ساکھ کوں کمزور کیتے، دوست ملکآں نال تعلقات ونڄائن، خارجہ پالیسی تباہ کیتی، نوجواناں کوں کور مار تے گمراہ کیتے، اڄ پٹرول، ڈالر اتے مہانگ جتھاں اے ایندے ذمہ دار عمران نیازی ہین، چار سال لٹ مار کرݨ آلا نااہل ٹولہ چار ہفتے پہلے آوݨ آلی حکومت توں سوال کریندے، ہݨ تہاݙے جواب تے حساب ݙیوݨ دا ویلھا اے، عمران خان کیہڑے نک نال خیبر پختونخوا حکومت دا ہیلی کاپٹر استعمال کریندن؟، انہاں جلسے دے ناں تے سیالکوٹ اچ مذہبی ڄاہ چݨ تے مسیحی برادری دے جذبات اکسائن ڄیڑھا ناقابل قبول اے۔
