اسلام آباد۔7ستمبر(اے پی پی)پاکستان دے ہولناک سیلاب زدگان کیتے امدادی پروازاں جاری ہین اتے ہݨ تئیں 49 پروازاں متاثرین کیتے امدادی سامان ڳھن تے پاکستان پڄین۔ دفتر خارجہ ولوں ݙسایا ڳئے جو متحدہ عرب امارات توں 19، ترکیہ توں 11، چین توں 4، ازبکستان توں ہک، قطر توں3، فرانس توں ہک، یونیسیف دی ݙو، اقوام متحدہ دے پناہ گزیناں دے ادارہ ( یو این ایچ سی آر) دی 5، ترکمانستان دی ہک اتے عالمی ادارہ خوراک دیاں ݙو پروازاں امدادی سامان ڳھن تے پاکستان پڄین۔
