اسلام آباد۔28نومبر(اے پی پی)صدر مملکت ڈاکٹر عارف علوی ذہنی صحت دے مسلیاں نال نمٹݨ کیتے قومی سطح تے پالیسی ٻݨاوݨ دی لوڑھ تےز ور ݙیندے آکھیے جو ملک دی 24 فیصد آبادی کوں ذہنی صحت دے مختلف مسائل دا سامݨا اے، ذہنی صحت دی خدمات سانڳے ادارہ جاتی فریم ورک ٻݨاوݨا ہوسی، نفسیاتی مسائل تے قابو پاوݨ کیتے پبلک پرائیویٹ پارٹنرشپ کڑݨی ہوسی۔ اے ڳالھ انہاں اسلام آباد اچ ذہنی صحت بارے اجلاس نال خطاب اچ آکھی۔ اجلاس اچ نگران وفاقی وزیر صحت سودھا صوبائی محکمیاں اتے نفسیاتی صحت تے کم کرݨ آلے اداریاں دے نمائنداں شرکت کیتی۔ اجلاس اچ وزارت قومی صحت ذہنی صحت دی ایپ “ہمراز” دا ݙسایا توں ایندے تے اپریل توں ہݨ تئیں 2 لکھ 40 ہزار توں ودھ کالز آئن۔ صدر مملکت ذہنی صحت دی خدمات سانڳے ہمراز ایپ دی تعریف کیتی اتے ذہنی صحت تے معاونت دا نظام بہتر کرݨ اتے ہمراز ایپ کوں ودھ مؤثر ٻݨاوݨ دا آکھیے۔
