اسلام آباد۔16ستمبر (اے پی پی) وزیراعظم محمد شہباز شریف آکھیا جو پاکستانی قوم ٻئے جامع معاشرے دی تعمیر کیتے اجتماعی طور کم کرے، اعضا دا عطیہ انسانی ہمدردی دا ہک ایجھا عمل اے جیڑھا ضرورت منداں کوں زندگی دا ہک نواں موقع ݙے سڳدے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم عالمی یوم شناخت دے موقع تے آپݨے سنیھے اچ آکھیا جو اڄ سنوار کوں پوری دنیااچ شناخت دا عالمی ݙینھ منایا ویندا پئے۔ اڄ دے ݙینھ اساں معاشرے اچ شناخت دی اہمیت کوں اجاگر کریندوں۔ شناخت دا تلق صرف سںجاݨ نال نئی بلکہ اے ہک ہمہ جہتی اصطلاح اے۔ جئیں نال معاشرے دے ہر بندے کوں قومی فیصلیاں اچ آپݨی نمائندگی اتے ضروری خدمات تئیں رسائل ملدی اے۔ وزیراعظم آکھیا جو اڄ دے ݙینھ میکوں اہم قوم کم شروع کرݨ دا اعلان کر تے خوشی تھیندی پئی اے جئیں دا مقصد اعضا دے عطیہ کوں ودھاوݨ اے۔ ایں کم دے تحت جو وی رضاکارانہ طور اعضا عطیہ کرݨ کیتے خود کوں رجسٹر کرویسی اوندے قومی شناختی کارڈ تے ہک مخصوص لوگو پرنٹ کیتا ویسی جیڑھا جو انسانی زندگی بچاوݨ بارے اوں بندے دے عزم دا اعتراف ہوسی۔ انہاں آکھیا جو اعضا دا عطیہ انسانی ہمدردی دا ہک ایجھا عمل اے جیڑھا ضرورت منداں کوں زندگی دا ہک نواں موقع ݙے سڳدے۔ میں سارے شہریاں کوں ایں کم اچ حصہ ڳھنݨ اتے زندگی بچاوݨ آلی کمیونٹی دا حصہ ٻݨݨ دی ترغیب ݙینداں۔ میں شہریاں، سول سوسائٹی اتے حکومتی اداریاں توں مطالبہ کرینداں جو او شناخت بارے آگاہی اتے تعلیم دے کلچر کوں ودھاون۔ ایں کوشش اچ اساکوں ٹیکنالوجی دے اہم کردار کوں نظر انداز نی کرݨا چاہیدا۔ اڄوکی قومی رجسٹریشن اتے بائیو میٹرک نظام وچال ہم آہنگی کوں ٻیا بہتر ٻݨاوݨ دی لوڑھ اے۔ اتے خدمات تئیں رسائی کوں سوکھا ٻݨاوݨ اتے شناخت دی تصدیق دی درستگی کیتے ڈیجیٹل حل اتے اختراع دا انضمام ہووݨا چاہیدے۔ وزیراعظم آکھیا جو اساݙی حکومت انہاں پالیسیاں کوں نافذ کرݨ کیتے کوشش کریندی پئی اے اتے شہری فرائض اچ ودھ توں ودھ شرکت دی حوصلہ افزائی کریسوں۔ ایں مقصد کیتے شفافیت اتے جوابدہی ٻہوں اہم اے۔ انہاں پالیسیاں دے نفاذ نال جمہوری نظام ٻیا مضبوط تھیسی۔
